IMAX登陸機場設全港最大銀幕

【明報專訊】大家有無諗過去赤鱲角機場睇戲呢？UA院線租咗機場二號客運大樓的商場搞戲院，將於下季開幕，將會係全球首間設於機場既IMAX戲院。


機場UA IMAX 會喺機場二號客運大樓6樓娛樂區，可容納358名觀眾。今次戲院最大既賣點就係設有全港最大嘅IMAX巨型銀幕，高13.98米，闊22.42米，銀幕以頂天立地式嘅設計，再加上IMAX一貫高質影像同音響設備，睇3D戲真係一流。


雖然家好多人都係網上搞登機，喺機場「吊吊揈」嘅時間比以前縮短咗一大截，但係依然要早45分鐘到機場寄倉行李，與其買杯咖啡係starbucks 消磨時間，我諗唔少旅客同香港人都會寧願早少少去機場，親身體驗吓呢個全港最大嘅IMAX銀幕先搭飛機。