老外banker離開中銀國際

【明報專訊】香港金融界近期裁員聲四起，但有麝自然香。中銀國際投資銀行副主席兼資本市場部董事總經理凌瀚燊（Marshall Nicholson）原來噚日last day，佢send咗封email同大家講拜拜，雖然佢無交代會去邊，有傳聞就話佢會加盟中資投行「大阿哥」中金，實行繼續挑戰自己喎！


幫中金搞資本市場部

睇返呢位出名對傳媒非常友善嘅banker email，佢就話嚟緊會繼續留喺香港投資銀行同資本市場工作，但就話遲下先交代去向，小琴第一時間周圍索料，但就傳言滿天飛，麥格理、中信證券都有傳過，但有老友就實牙實齒咁話Marshall係跳槽去中金，幫佢哋搞起個資本市場部咁話。


Marshall 5年幾前由麥格理跳入中銀，可以話一手湊大中銀嘅資本市場部，佢係少數能夠喺中資行站穩陣腳嘅老外banker，咁啱中金近年發展陷入瓶頸，如果真係搵到Marshall嚟搞好個資本市場部，咁又真係幾好喎。