新聞類別
財經
詳情#
【明報專訊】講起踩單車，好多人都會諗起大圍到大美督嘅單車徑，最多就可能諗埋近年踩單車熱點東涌，但有無諗過喺商場Shopping完可以踩單車返屋企？領匯（0823）噚日公布，同單車品牌STRiDA合作，顧客喺旗下其中3個商場消費滿300蚊，就可以借走一部單車同唔同單車工具，享受吓踩單車樂趣，不過每部單車原來只限借3個鐘，小琴就好懷疑可以享受到幾多單車樂趣。
領匯市場策劃及推廣主管黃端華及STRiDA亞太區項目董事香富立，噚日齊齊現身介紹呢個租借單車計劃，仲大show一批印有領匯logo嘅特別版單車。聽番領匯嘅介紹，顧客可以喺將軍澳海悅豪園商場、天水圍天瑞商場同赤柱商場3個試點每消費300蚊，每人憑單據可以租一部單車，至於其餘嘅工具好似單車鎖、氣泵咁，就要逐件畀50蚊按金先可以租。
借工具要按金
小琴其實都鍾意踩單車，一諗起踩住單車Shopping就更爽，不過睇番啲條款，原來每部單車只可以租3個鐘，即係話踩遠少少會驚趕唔切返嚟商場還車，但喺商場附近又好似無乜地方適合踩咁喎，唔知領匯遲吓會唔會延長啲個借車時間，等一班單車愛好者可以玩得盡興呢？
email:piano@mingpao.com
領匯市場策劃及推廣主管黃端華及STRiDA亞太區項目董事香富立，噚日齊齊現身介紹呢個租借單車計劃，仲大show一批印有領匯logo嘅特別版單車。聽番領匯嘅介紹，顧客可以喺將軍澳海悅豪園商場、天水圍天瑞商場同赤柱商場3個試點每消費300蚊，每人憑單據可以租一部單車，至於其餘嘅工具好似單車鎖、氣泵咁，就要逐件畀50蚊按金先可以租。
借工具要按金
小琴其實都鍾意踩單車，一諗起踩住單車Shopping就更爽，不過睇番啲條款，原來每部單車只可以租3個鐘，即係話踩遠少少會驚趕唔切返嚟商場還車，但喺商場附近又好似無乜地方適合踩咁喎，唔知領匯遲吓會唔會延長啲個借車時間，等一班單車愛好者可以玩得盡興呢？
email:piano@mingpao.com
回應 (0)
