新聞類別
港聞
詳情#
【明報專訊】「真係生死一秒間，我以為會同個仔一齊死！好彩有個好鄰居救我！」單親媽媽毛女士和9歲兒子居於花園街192號三樓劏房單位，她憶述逃生經過時仍猶有餘悸，但不忘多番感激救出母子的鄰居蔣先生。
伸手不見五指 三樓跳二樓
英勇的蔣先生居於大廈同層單位，發生火警時，他與9歲女兒逃生，仍不忘大力拍門叫醒街坊。不過，當時梯間已濃煙密佈，一片漆黑，「簡直伸手不見五指，完全不敢向下走」。無路可逃之下，蔣先生硬着頭皮從三樓跳到二樓的鋅鐵簷篷，導致腳部跌傷，「之後先知原來旁邊有嘢可抓住」。
其後另一名男街坊亦跳下簷篷，由於形勢危急，蔣除了幫助女兒跳出，亦與男街坊協助三樓的婦孺逃生。
其時毛女士緊抱兒子在劏房中，「諗住死梗啦，周圍都係煙，伸手都完全睇唔到」。她憶述當時濃煙密佈，就算蔣先生在下方接應，她亦不敢向下跳，幸好當時剛巧有一陣風吹散濃煙，「真係只有一秒，我見到下面，就抱住個仔走」。在蔣先生接應下，她和兒子冒險跳落簷篷，幸終「安全降落」。
不過，由於二樓簷篷離地面逾5米，眾人不敢貿然跳下，只好在場呼救，但煙火愈燒愈近。約半小時後，消防終於發現他們被困，但當時卻沒有帶備鋼梯，約10分鐘後才在附近找到裝修用的梯，逐一將他們救出。
毛女士形容自己「死過翻生」，又多次感謝蔣先生相救，並笑着說：「間屋燒晒都無所謂！執返條命已經好開心！」而蔣先生則說，當時跳落二樓簷篷是唯一生路，故孤注一擲跳下去。至於被鄰居大讚是救人英雄，他則謙稱：「見到街坊被困，唔通唔救咩？」
回應 (0)
