為陳山聰呼冤 「使女人錢就係食軟飯？」

【明報專訊】繼陳振聰之後，城中另一個迅速竄紅的「阿聰」就是藝人陳山聰，兩個「阿聰」都因為認識了富貴女友，惹來身邊人竊竊私語。對於另一個阿聰與賭王女兒何超雲的新聞，陳振聰自言很有「代入感」﹕「點解男人使女人錢就係『食軟飯』？」「點解千金小姐同個稍為窮啲嘅明星一齊就唔得，點解一定係假呢？……唔公平，男人真係要呼冤。」

稱龔如心不介意錢「撈亂使」

陳振聰很坦白，他的所有財富，其實是來自龔如心的支持，「無佢支持，我乜都做唔成，我無覺得羞辱，我哋相處好開心……佢有錢到不得了，佢畀我果啲都係少少，滄海一粟」。他說，二人初相識時，自己無想過錢的問題，因為龔「出名孤寒」，「最多想過會有一、兩單風水睇吓」。直至後來二人發展親密關係，龔如心亦不介意財產兩份「撈亂使」。他引述龔如心當年對他說﹕「我咁有錢，你又咁窮，我地又咁friend（好朋友），（錢）撈亂使，無乜大不了。」直言二人分享財富並無污穢感覺，「我從來都無要佢畀錢我，真係無」。

雖然無要求對方畀錢，但陳承認有鼓勵對方使錢，包括建議龔買私人飛機，「佢初時唔係好想買，不過我話出門，買架都有型……我貪玩嘛，佢大把錢，一個人根本使唔晒……一見佢使錢，我就拍掌，最大嗰架買嗰架，佢當時又打緊官司，生死未卜，快啲買，歎咗先」。

指與龔曾考慮結婚

既然兩情相悅，可有想過更進一步——結婚？陳振聰聲言二人亦曾經考慮過，「若由王太變成陳太，她會否有很大壓力」。記者問他是否不再愛妻子，他無奈說「我對我太太真係……前妻有情，後妻有義」，再狀似頭痛地說﹕「哎呀，真係要撼頭埋牆，所以話喺道德上真係要反思，呢個係反面教材。」