新地郭炳聯 龍鼓灘大掃除

【明報專訊】新地（0016）身為全港最大地產商，企業社會責任不嬲做到足，為咗宣揚愛惜自然環境，前日帶咗一班員工同義工由最基本嘅工夫做起——執垃圾。新地「以心建家」淨灘行動，喺屯門龍鼓灘舉行，由即將「坐正」做聯席主席嘅三少郭炳聯主持開幕儀式後，200幾人喺短短一個鐘頭就已收集了合共1,200公斤垃圾、200公斤塑膠以及十公斤金屬，仲有綠色力量行政總幹事文志森講解各類垃圾對海洋生態的影響，同埋示範點樣將垃圾分類，放入唔同嘅收集箱㖭。唔知三少自己執咗幾多呢？