周杰倫名副其實變「周董」

【明報專訊】周杰倫個名，喺娛樂版就見得多啦，喺經濟版出現似乎都係第一次，話說文化傳信（0343）噚日中午發咗份通告，話已經同周杰倫所屬的經理公司簽署合約，一齊發展文化傳信旗下公司Ucan Technology（Macau）Company Limited（你得嘅科技）嘅3D互動遊戲社交網站Ucan.com，周杰倫順理成章成為Ucan嘅股東。

咁做得股東，阿Jay（周之洋名）當然要出面又出力啦，所以未來兩年，佢會擔任Ucan.com全球網絡發展既全球文化大使，同時授權Ucan可以使用佢嘅肖像、姓名同埋把聲，畀網站用嚟設計、生產及發行各類有關佢嘅產品。

相信佢嘅Fans都應該知道，周杰倫仲有個外號叫周董。小琴話過你知，其實當初周董之所以叫周董，係因為當年佢所屬公司嘅同事半開玩笑咁同佢講：「周杰倫，我哋靠你養架啦，你係我哋嘅董事長啦。」久而久之，大家就習慣叫佢周董。

授權Ucan肖像姓名聲線

家周董成為股東，個名仲要由娛樂版跳到去港交所