馬會攞獎「大四喜」 夠巴閉

【明報專訊】由Best Practice Management Group舉辦，專門表揚亞洲企業、政府同非牟利機構響員工培訓方面有卓越表現嘅「最佳業務實踐獎」，今年得獎名單出爐，香港賽馬會一口氣奪得4個獎項，認真巴閉。

馬會喜獲「大四喜」，除咗「綠化環境企業發展獎」、「企業員工適健服務獎」同「學習及人才發展獎」呢三個獎項外，最重要係勇奪全場至高榮譽嘅「最佳業務實踐大獎」，以表揚佢哋響推動環保、人才培訓同僱員身心健康發展方面有卓越領導及策劃能力。

捧住4個獎，馬會行政總裁應家柏當然開心，佢就話，得獎係對馬會可持續發展同人力資源政策嘅肯定，亦都係對馬會打造「以客為尊」文化，積極提升服務質素嘅動力咁話喎。