建行亞洲員工 幫員工按摩

【明報專訊】獅子行匯豐香港裁員3000人，大家都憂心其他銀行會唔會跟隨大行裁員，搞到銀行界個個都人心惶惶，壓力大到爆煲。唔知建行亞洲嘅管理層係咪見到班員工咁大壓力，於是搞咗個為期一星期嘅減壓周，每日都有少少輕鬆節目畀員工，等班伙計平衡生活同工作，都可謂係良心僱主。

搞嘉年華會 每日有活動

喺啱啱過去嘅一星期，建行亞洲嘅港澳員工就體驗到呢項特別嘅活動，一齊睇吓佢地有咩活動。周一有得食水果，周二就有現場音樂演奏，提升工作時間嘅歡樂，周三仲有得按摩，周四就有甜甜爆谷食，而周五就以嘉年華會作結，一周五日嘅活動，小小嘅心意就已經令一班員工有大大嘅感動，相信之後做嘢效率更高呢！小琴提議唔止銀行，其他機構都可以仿效呢種活動，為員工減壓又打氣，相信班員工會更愛公司呢。