報道淘寶「抗議」 媒體舊相當新相

【明報專訊】內地媒體《揚子晚報》前幾日圖文並茂報道話，《淘寶內亂升級》，有淘寶小賣家去淘寶總部拉橫額抗議。淘寶商城前日就反擊話並無此事，其官方微博透露，報社承認張相係舊相，記者也坦認未到過淘寶總部現場，話係編輯搞錯咁話。喺中國，真係咩事都有可能發生。

馬雲：心碎了 想放棄

網絡狂人馬雲連日喺微博回應，前日更加話「心碎了，真想放棄」，搞到淘寶商城加價事件愈炒愈熱。網上更加有網民改圖，描述有人為了反對淘寶加費跳樓，有人將天安門人群剪接到淘寶總部，製造大批人到淘寶示威嘅創作圖片，淘寶商城噚日就連番澄清，以上圖片純屬偽造。

不過，中小賣家仍然好不滿，認為淘寶商偏袒大商家，趕絕小商家，於是發起劣評大商家嘅行動，淘寶商城噚日就話，商城已回復正常，仲話會協助達唔到淘寶商城標準嘅小商家，過渡到淘寶市集咁話。