喜羊羊網上店快開張

【明報專訊】前排意馬（0585）「吞羊」，一舉取得喜羊羊嘅肖像權。首間「喜羊羊與灰太狼」零售專門店已於本月1日開業。下一步，「喜羊羊」將會登上淘寶網，開設網絡旗艦店啦。

早前數碼設備商聖馬丁國際（482）與意馬成立一家聯營公司凌勵，負責銷售「喜羊羊」產品。今次為咗進軍網絡銷售，又有一位內地電子商貿嘅大佬加盟，喺加拿大上市的北京公司興長信達。

雙方嘅合作其實於今年8月已經開始，有效期兩年，第一家網上商店將於下月1號開張。鍾意「喜羊羊」嘅香港小朋友都可以好方便咁網購到「喜羊羊」靚衫啦。由新生嬰兒至到14歲都有得揀。早前凌勵計劃於3年內開設1100間零售專門店，加埋網購，規模都唔細。