新聞類別
財經
詳情#
【明報專訊】又有一名靚女賓架紮職！匯豐噚日正式宣布，中葡混血兒施穎茵（Diana Cesar）升任香港區零售銀行及財富管理業務主管，接手已調去中東嘅麥倩華嘅職位。圈中人個個都知Diana靚女得嚟又做得嘢，仲記得佢以往生意策略都係想搶市場佔有率，今時今日嘅匯豐話明要搵錢，唔知Diana上場，生意有無做得多之餘又賺得多呢？
06年升職後 掀按揭戰
2006年Diana啱啱升上亞太區存款及按揭主管個位，首度亮相即推按揭劈價，掀起一輪按揭減價戰，正所謂「新官上任三把火」，9月1日已上場嘅Diana，嚟緊又會否再出新招呢？不過匯豐啱啱先勁加按息，佢睇嚟未必會再玩減價。
兩大老闆香港區總裁馮婉眉，同埋亞太區零售銀行及財富管理業務主管鄭蔚彤都力撐Diana勝任新工。匯豐正值人事波動期，唔知呢位新老細，又點樣安撫軍心呢？
回應 (0)
