恒生推e-banking 4G

【明報專訊】以往用手機及平板電腦登入網上銀行服務，往往都窒住窒住，小琴唔係指個上網速度慢，家手機版的網上銀行，好多都未支援全網上銀行全套服務，只係可以作好基本的銀行服務，以及買賣股票、外匯等。

不過恒生銀行（0011）嘅用戶以後就唔會咁樣窒住晒，事實佢哋新推出嘅「恒生e-Banking 4G」服務，就打破晒呢啲平台嘅限制，無論用智能手機、平板定手提電腦，都可以用晒所有恒生網上銀行嘅服務。

咁即係我而家用手機上恒生e-Banking，比以前多咗啲咩服務呢？小琴知道，多咗卡類服務、定期存款、貸款及透支等等，總知以往你要坐定定喺電腦前先有嘅網上銀行服務，而家拎住個手機或平板電腦出街，都一樣可以照用。不過小琴提提大家，喺出面輸入網上銀行密碼時都要搵個安全嘅地方，以免被人偷睇。