10%港媽產後抑鬱　婆媳困獸鬥易引爆　丈夫忌講「忍吓啦」

【蘋果日報】媽媽患上產後抑鬱傷害自己及嬰兒，都是令人難過的悲劇。產後抑鬱是否防不勝防？精神科專科醫生林慧心指出，性格緊張、夫妻缺乏溝通及關係欠佳、婆媳不和及沒有家人支援，均是導致女士產後容易抑鬱無助的原因，若產婦感到「同BB玩都唔開心」與湊B失去動力，都可能是患上產後抑鬱。懷孕前有準備有共識、結交孕婦朋友、預留時間減壓等，均有助預防產婦情緒爆煲。


記者：梁麗兒

新手母欠經驗高危

全球產後抑鬱發病率估計為13%至19%，本港數據也十分接近，衞生署曾推算每10名本地婦女中，就有一人患上產後抑鬱，產後一個月發病率為10.3%。曾有調查訪問805名婦女，在產後兩個月的抑鬱發病率是15.7%。產後抑鬱發病無年齡上的差異，但新手媽媽會較常見，可能與缺乏育嬰經驗及產後生活轉變有關。產後抑鬱最常在產後一至兩個月出現，也有婦女在產後數月至一年後才發病。


失湊B動力要留神

生產過程辛苦又緊張，當中壓力大及荷爾蒙轉變，都會影響產婦情緒，加上產後的幾天都會好緊張，尤其新手媽媽見到BB喊又要忙於餵奶，易引致產後有短暫情緒低落，此屬正常現象，一般持續數日至約10日，之後會回復正常。但若症狀持續兩周或以上，便要留意是否患上產後抑鬱，應及早求醫，如經常不開心、對湊BB失去動力和興趣、「同BB玩都唔開心」、胃口差等；以及受腦分泌失調影響睡眠，如「好攰都瞓唔到」、「狂瞓覺唔想理BB」等。產婦有時會覺得自己無用、內疚，認為無法照顧嬰兒，嚴重會自殺甚至傷害嬰兒。


坐月缺家人支援壓力大

產後情緒爆煲通常並非單一因素，產婦性格容易緊張、焦慮，或曾患情緒病如抑鬱症、焦慮症，都是高危族，加上外在原因如夫婦關係差，曾就「生唔生仔」、「邊個湊BB」等問題爭拗，或最終「傾唔掂數」。另外，婆媳關係不和，雙方在育兒問題上分歧大，產婦又不獲丈夫支持，只被勸喻「忍吓啦」，也易引發抑鬱情緒。產後缺乏支援，例如無家人協助、無人陪月，「老公顧住打機唔幫手湊B」等因素，都會令產婦受壓，感抑鬱無助。其他因素包括懷多胞胎、產期前後有併發症如「作小產」、需緊急剖腹分娩等，或嬰兒因腹絞痛致常哭鬧等，都是致病誘因。


宜入媽媽group交流

要預防產後抑鬱，婦女懷孕前應與丈夫協調，減少日後爭拗及分歧，影響雙方關係，包括商討未來的家庭及財務安排，例如由誰照顧嬰兒、要否請工人或陪月員。至於新手媽媽，因身份轉變，要改變二人世界的生活，夫婦與家人之間需分工合作及支援，迎接新生命來臨。懷孕期間可多參與產前講座，學習育嬰知識，並認識孕婦朋友，加入媽媽group，或聯絡身邊已為人父母的朋友，交流經驗心得作支援。產婦要明白「自己唔係超人，唔好所有嘢都攬上身，有事要搵人幫、搵人傾，切忌單打獨鬥」。睡眠不足會影響情緒，故產後要有充足休息及正常飲食，建議要有私人時間減壓，例如每周有1小時去行街、搵朋友傾偈，或享受休閒活動。


想輕輕鬆鬆健康啲，記住留意健康蘋台

http://health.appledaily.com.hk/