新聞類別
副刊
港聞
詳情#
【蘋果日報】路過中環海旁，總見到一艘中式木船靠岸，映照維港景色，是經典的香港一景。但沒多少人知道，這艘上年才下水，船長98呎全人手造的港製大木船，出自區世傑和九旬父親區渭之手。「我哋三代造船，全港逾六成木製營業船、3艘喺歷史博物館嘅展覽木船，都係我哋造。」避風塘大火、銀行擠提，百年船廠見證歲月滄桑，這位老船廠最後傳人說：「以前幾風光都好，係個時代要你退休。」一雙巧手，將參天原木，打造成可揚帆出海的大木船，那些年的香港製造，像變魔術般神奇。
記者︰呂麗嬋
攝影︰何家達
走過熱鬧的筲箕灣東大街，人迹稀少，眼前的一排鐵皮屋，門口泊滿車，頭頂招牌都是斑駁鐵銹顏色，破破落落。這是被遺忘了的一角，戰前已成立的光明船廠，正座落於此。船廠樓高兩層，樓下工場堆滿大木材和拖船的工具，還有白色混種狗阿妹。放眼望遠，足兩層樓高的工場，連接室外小碼頭，停泊了待修的觀光大木船「大張保」，而工場中央則是固定在半空、正待補底的「大頭艇」，艇頭燃點了香燭，傳統水上人相信：上岸點香，下水放小船，就可保平安。
「油灰冇晒呀！」老夥計孖指哥大嗌。「你坐一陣先，我好快過嚟！」小小工場，「豹哥」區世傑總在東奔西跑。船廠只3個人，人手不足沒原材料，拉船上工作枱，人手最少4個，他就自搭浮台減省人手。「冇人入行，我哋是但一個唔做都要執笠，惟有睇餸食飯。」作為香港最後一個造木船的工匠，無新木船可造就做維修，儘管一雙巧手無用武之地，儘管收入大不如前時不與我，豁達的他卻說沒遺憾：「都叫做造過唔同嘅船，唔會永遠都係你嘅時代。」
人手材料缺 工序北移
黑色T恤短褲、頂着個小光頭，13歲已子承父業入行的他，行年57，已是行業內最年輕的造船匠。舊式船廠，行走江湖，都有個綽號，爸爸區渭叫阿仙，意指神仙般的手藝；豹哥這個名，一樣有段古：「以前細個喺船廠幫手，老竇食飯一定要支燒酒，一叫土炮，我就要拿拿聲去拎。」叫得多，就成了阿炮，物換星移，昔日小伙子阿炮變了今日獨當一面獲得尊稱的豹哥，除了香港多艘觀光大木船出自他的手，90年代又曾獲邀過江到新加坡，協助興建當地的珍寶海鮮舫。
「嗰兩年帶住啲夥計係好辛苦，撐張帆布遮住就喺空地開工，但回頭睇，係一個階段嘅成長，啲廠由筲箕灣到太古城咁大，食飯要踩單車，見識好多，當地華僑又會帶我哋到處玩。」不過說到要留下來，他就不想，再好的地方，不如回家自在，況且80、90年代，香港造船業仍很興盛，光明船廠是行內老字號，不愁生意。「嗰時船廠一年有3、4隻中式大木船下水，而且大部份營業船仍用木製。」除了大頭艇，珍寶海鮮舫的10多艘接駁船、戒毒會兩艘木船，以至歷史博物館的展覽船，均由船廠made in Hong Kong，部份至今仍在海面行走。
只是隨着纖維船和鋼鐵船在市場普及，由香港製造、標榜手工精緻的木船，也難逃被淘汰的命運。30年間由盛轉衰，隨着本地造船匠退休的退休、死的死，高峯期有30、40個夥計的光明船廠，亦萎縮至僅餘3個人，靠舊船維修勉強維持。「所以3年前接到大張保呢張定單，係好驚訝，對上造嗰隻張保仔，已經係12年前。」造張保仔號，全船仍能香港製造，到大張保時，識造船的人所剩無幾，手造船要好多材料，香港最後一間油灰店都要結業，又無廠生產造船專用的鐵釘，只能被迫將部份工序移師珠海。
「香港冇木材，造船要用原枝，一定要大陸訂。」不過，千難萬難，還難不過通過海事處的審批。「南丫海難之後，對營業船嘅要求大幅收緊，唔係技術做唔做到，係海事驗船規格問題，單係許可書要申請大半年，由畫則入圖到落水，06年裝張保仔只需9個月，到大張保就足足搞咗兩、三年。」向來包拗頸，人唔做佢做的豹哥，直言完成後也大呼怕怕：「呢個係爸爸退休前最後嘅作品，一做完個人放鬆晒，無論記憶定精神狀態都大不如前。」
付出不少，這個末代工匠，還是覺得不滿意。「木桅位高度因為有新嘅限制，最終只能將桅杆改短，仲有船尾嘅高度，亦唔係嗰回事。」現實所限，造不到心中最完美的木船，他竟又花3個月時間，從頭再來。「只係模型船，但都好滿足。」二樓是「放樣室」，原為鋪圖樣計算木船比例的地方，再沒船可造，他就將偌大的空間改裝成「私人博物館」。「我哋接定單做生意，老闆都有自己嘅要求，再造過啲船，係同自己交代，造完個個都話我嘅船仔，原來靚過你隻真船，就夠嘞。」對於豹哥一代人來說，「都係搵食箒」幾近口頭禪，但對於如何搵食，他還是很有態度。
「始終都係覺得中式木船先最靚，單單通風呢樣嘢，纖維船已經無得比。」全人手造的中式木船每艘都獨一無二，船底用梢木和柚木全人手搭建，梢木結構硬，用來造船內部的支架；柚木有光亮感，多搭建船隻外觀。被西方媒體形容為藝術品的中式木船，諷刺的是捧場客以外國人居多，下定單製「大張保」的客人也是香港的外資公司；就是接載的遊客，外國人亦佔壓倒性比例。一門冷門手藝消失了，還不如外人感到可惜。
現時，除「大張保」及其姊妹船「張保仔」，以至有60年歷史的古董木船「鴨靈號」，3艘香港經典大型木帆船，俱由光明船廠負責維修。出身自造船世家、對上還有一個哥哥的豹哥，一出世已注定與造船結緣。「11歲患牙瘤，牙痛到食咗兩年牛奶浸麵包，無返學追不上進度，惟有跟爸爸學師。」由外公到爸爸，兩代造船，作為第三代的他順理成章繼承父業。「細個跟啲師傅執頭執尾，初時做刨木等基本工，跟住學做模型同上油，都係邊學邊做。」
即使他是「太子爺」，也沒多少優待。百年船廠見證歲月滄桑，那些年，避風塘大火、銀行擠提，豹哥說有些親身經歷，有些是飯枱上父母的話當年。「爸爸當年接手外公呢盤生意都有段辛酸史，嗰時銀行擠提，外公辛苦儲下全副身家，連人哋畀佢造船嘅定金都冇晒，激到一病不起，但接咗生意一定要交貨畀人……」沉默內斂的區渭是個嚴父，也是出名手工好的工匠，臨危接手捱過低谷，船廠生意再上軌道，殊不知又經歷連場大火。
「得我一個人，識飛都無用」
「就我記憶，呢度燒過三次，4、5歲時嘅大火最驚，全部圍封，跟住阿嫲坐住小艇走火警，第二第三次都好大件事，一次隔籬船廠大光燈過熱燒着木板，另一次就漏電，以前好多舊相，乜都燒晒。」關關難過關關過，結果，又重新開始。一生以船廠為家的豹哥，仍然獨身，他早不奢望有人接手，現實上也是走到盡頭。「冇新船造，冇嘢學，講真你都唔敢叫啲後生入行，呢度個個七老八十，仲有幾多年做有數得計，得我一個人，叻到識飛都無用，惟有退休，係生活叫你退休，你想做都做唔到。」
做一日和尚敲一日鐘，豹哥說不會想太遠，活好今天就好。「我哋做勞動工作，一退休就瓜老襯，情願做得一日得一日。」細個是孱仔，入行要搬搬抬抬，他說反而身強力壯。「7、8月最辛苦，曬到你暈喺度，出汗出到成支礦泉水咁多，但做得呢行，運動夠，新陳代謝快，身體係唔同。」船廠沒冷氣，記者早揮汗如雨，訪問當天，早一刻還放晴，外出拍照，沒一陣風雲變色，下起傾盆大雨，眼前的豹哥氣定神閒：「夏天係咁，好快又會好天。」誰說不是？
呂麗嬋
記者︰呂麗嬋
攝影︰何家達
走過熱鬧的筲箕灣東大街，人迹稀少，眼前的一排鐵皮屋，門口泊滿車，頭頂招牌都是斑駁鐵銹顏色，破破落落。這是被遺忘了的一角，戰前已成立的光明船廠，正座落於此。船廠樓高兩層，樓下工場堆滿大木材和拖船的工具，還有白色混種狗阿妹。放眼望遠，足兩層樓高的工場，連接室外小碼頭，停泊了待修的觀光大木船「大張保」，而工場中央則是固定在半空、正待補底的「大頭艇」，艇頭燃點了香燭，傳統水上人相信：上岸點香，下水放小船，就可保平安。
「油灰冇晒呀！」老夥計孖指哥大嗌。「你坐一陣先，我好快過嚟！」小小工場，「豹哥」區世傑總在東奔西跑。船廠只3個人，人手不足沒原材料，拉船上工作枱，人手最少4個，他就自搭浮台減省人手。「冇人入行，我哋是但一個唔做都要執笠，惟有睇餸食飯。」作為香港最後一個造木船的工匠，無新木船可造就做維修，儘管一雙巧手無用武之地，儘管收入大不如前時不與我，豁達的他卻說沒遺憾：「都叫做造過唔同嘅船，唔會永遠都係你嘅時代。」
人手材料缺 工序北移
黑色T恤短褲、頂着個小光頭，13歲已子承父業入行的他，行年57，已是行業內最年輕的造船匠。舊式船廠，行走江湖，都有個綽號，爸爸區渭叫阿仙，意指神仙般的手藝；豹哥這個名，一樣有段古：「以前細個喺船廠幫手，老竇食飯一定要支燒酒，一叫土炮，我就要拿拿聲去拎。」叫得多，就成了阿炮，物換星移，昔日小伙子阿炮變了今日獨當一面獲得尊稱的豹哥，除了香港多艘觀光大木船出自他的手，90年代又曾獲邀過江到新加坡，協助興建當地的珍寶海鮮舫。
「嗰兩年帶住啲夥計係好辛苦，撐張帆布遮住就喺空地開工，但回頭睇，係一個階段嘅成長，啲廠由筲箕灣到太古城咁大，食飯要踩單車，見識好多，當地華僑又會帶我哋到處玩。」不過說到要留下來，他就不想，再好的地方，不如回家自在，況且80、90年代，香港造船業仍很興盛，光明船廠是行內老字號，不愁生意。「嗰時船廠一年有3、4隻中式大木船下水，而且大部份營業船仍用木製。」除了大頭艇，珍寶海鮮舫的10多艘接駁船、戒毒會兩艘木船，以至歷史博物館的展覽船，均由船廠made in Hong Kong，部份至今仍在海面行走。
只是隨着纖維船和鋼鐵船在市場普及，由香港製造、標榜手工精緻的木船，也難逃被淘汰的命運。30年間由盛轉衰，隨着本地造船匠退休的退休、死的死，高峯期有30、40個夥計的光明船廠，亦萎縮至僅餘3個人，靠舊船維修勉強維持。「所以3年前接到大張保呢張定單，係好驚訝，對上造嗰隻張保仔，已經係12年前。」造張保仔號，全船仍能香港製造，到大張保時，識造船的人所剩無幾，手造船要好多材料，香港最後一間油灰店都要結業，又無廠生產造船專用的鐵釘，只能被迫將部份工序移師珠海。
「香港冇木材，造船要用原枝，一定要大陸訂。」不過，千難萬難，還難不過通過海事處的審批。「南丫海難之後，對營業船嘅要求大幅收緊，唔係技術做唔做到，係海事驗船規格問題，單係許可書要申請大半年，由畫則入圖到落水，06年裝張保仔只需9個月，到大張保就足足搞咗兩、三年。」向來包拗頸，人唔做佢做的豹哥，直言完成後也大呼怕怕：「呢個係爸爸退休前最後嘅作品，一做完個人放鬆晒，無論記憶定精神狀態都大不如前。」
付出不少，這個末代工匠，還是覺得不滿意。「木桅位高度因為有新嘅限制，最終只能將桅杆改短，仲有船尾嘅高度，亦唔係嗰回事。」現實所限，造不到心中最完美的木船，他竟又花3個月時間，從頭再來。「只係模型船，但都好滿足。」二樓是「放樣室」，原為鋪圖樣計算木船比例的地方，再沒船可造，他就將偌大的空間改裝成「私人博物館」。「我哋接定單做生意，老闆都有自己嘅要求，再造過啲船，係同自己交代，造完個個都話我嘅船仔，原來靚過你隻真船，就夠嘞。」對於豹哥一代人來說，「都係搵食箒」幾近口頭禪，但對於如何搵食，他還是很有態度。
「始終都係覺得中式木船先最靚，單單通風呢樣嘢，纖維船已經無得比。」全人手造的中式木船每艘都獨一無二，船底用梢木和柚木全人手搭建，梢木結構硬，用來造船內部的支架；柚木有光亮感，多搭建船隻外觀。被西方媒體形容為藝術品的中式木船，諷刺的是捧場客以外國人居多，下定單製「大張保」的客人也是香港的外資公司；就是接載的遊客，外國人亦佔壓倒性比例。一門冷門手藝消失了，還不如外人感到可惜。
現時，除「大張保」及其姊妹船「張保仔」，以至有60年歷史的古董木船「鴨靈號」，3艘香港經典大型木帆船，俱由光明船廠負責維修。出身自造船世家、對上還有一個哥哥的豹哥，一出世已注定與造船結緣。「11歲患牙瘤，牙痛到食咗兩年牛奶浸麵包，無返學追不上進度，惟有跟爸爸學師。」由外公到爸爸，兩代造船，作為第三代的他順理成章繼承父業。「細個跟啲師傅執頭執尾，初時做刨木等基本工，跟住學做模型同上油，都係邊學邊做。」
即使他是「太子爺」，也沒多少優待。百年船廠見證歲月滄桑，那些年，避風塘大火、銀行擠提，豹哥說有些親身經歷，有些是飯枱上父母的話當年。「爸爸當年接手外公呢盤生意都有段辛酸史，嗰時銀行擠提，外公辛苦儲下全副身家，連人哋畀佢造船嘅定金都冇晒，激到一病不起，但接咗生意一定要交貨畀人……」沉默內斂的區渭是個嚴父，也是出名手工好的工匠，臨危接手捱過低谷，船廠生意再上軌道，殊不知又經歷連場大火。
「得我一個人，識飛都無用」
「就我記憶，呢度燒過三次，4、5歲時嘅大火最驚，全部圍封，跟住阿嫲坐住小艇走火警，第二第三次都好大件事，一次隔籬船廠大光燈過熱燒着木板，另一次就漏電，以前好多舊相，乜都燒晒。」關關難過關關過，結果，又重新開始。一生以船廠為家的豹哥，仍然獨身，他早不奢望有人接手，現實上也是走到盡頭。「冇新船造，冇嘢學，講真你都唔敢叫啲後生入行，呢度個個七老八十，仲有幾多年做有數得計，得我一個人，叻到識飛都無用，惟有退休，係生活叫你退休，你想做都做唔到。」
做一日和尚敲一日鐘，豹哥說不會想太遠，活好今天就好。「我哋做勞動工作，一退休就瓜老襯，情願做得一日得一日。」細個是孱仔，入行要搬搬抬抬，他說反而身強力壯。「7、8月最辛苦，曬到你暈喺度，出汗出到成支礦泉水咁多，但做得呢行，運動夠，新陳代謝快，身體係唔同。」船廠沒冷氣，記者早揮汗如雨，訪問當天，早一刻還放晴，外出拍照，沒一陣風雲變色，下起傾盆大雨，眼前的豹哥氣定神閒：「夏天係咁，好快又會好天。」誰說不是？
呂麗嬋
回應 (0)
