涉遺孖B尋夫　17歲媽媽保釋奶奶哭訴報警欲懲不肖子「我害咗新抱」

【蘋果日報】【焦點人物】
【蘋果日報】「我嘅想法係拉我個仔，點知搞到我新抱！」前日因涉嫌疏忽照顧留下半歲孖仔（圖）在家被捕的17歲媽媽，昨獲准保釋，並因雙程證到期已返回內地辦手續，孖仔留醫觀察。整晚沒睡留在醫院看顧孫兒的嫲嫲，昨向記者哭訴事件，指兒子不生性，經常北上打機不顧家，打算報警懲罰兒子，沒料竟害了媳婦。這位50歲「年輕嫲嫲」更惋惜媳婦嫁錯郎：「佢好可憐，咁細個嫁咁嘅老公，佢阿媽心痛過我啦！我都係女人！」至於孖仔何去何從，有親子教育工作者稱，父母或祖母是否適合繼續照顧，要由專業人士評估，否則或由社署介入接管。
記者：黃麗英　劉柏麟　張家豪
50歲的「年輕嫲嫲」姓沈，3年前帶同與前夫所生的兒子阿遠由內地來港，現時21歲的兒子跟她姓。兒媳在內地時因就讀同校而認識及拍拖，去年兩人奉子成婚。沈媽媽來港後在菜檔工作，有時為賺更多收入會「踩多更」，工作時間不定，昨日她亦要暫停工作，在大埔那打素醫院兒童及青少年病房照顧孫兒。心力交瘁的她提到兒子的任性時不禁落淚：「個仔太唔聽話，點解生咗個咁嘅仔！」她指兒子做裝修散工，日薪約500元，卻從不給家用，即使兒子已為人父，仍不改每周北上數天打機的陋習，令她亦要協助媳婦照顧一對孖仔，基本上一家五口的重擔全在沈媽媽一人身上。
專家：須評估是否適合照顧
兒子令沈媽媽十分激心，但她對17歲初歸新抱「佳佳」卻讚口不絕，形容媳婦靚女、可愛、斯文及孝順，「我唔怪佢（媳婦），自己一個人湊住兩個BB，點湊呀？飯都唔到口」。沈媽媽又指，原本媳婦打算將一對兒子帶返內地娘家，由母親照顧，原定前日替嬰兒領取回鄉證，不料阿遠又離家打機，致媳婦要急急北上尋夫而獨留一對孖仔在家。
沈媽媽說，前日她一怒之下報警，目的是要找兒子出來懲戒他，未料如今媳婦被捕，令家事煩上加煩。她指年輕媳婦初為人母已算克盡母職，「有次BB瞓咗，個仔叫佢去深圳玩幾個鐘，佢都唔去」。她認為媳婦很可憐，「十幾歲嫁畀佢（兒子），17歲識咩箒！唔怪得佢」。
精神科醫生曾繁光認為，事件再次反映現今年輕人關係隨便，欠缺安全性行為的教育。他指出，要了解持雙程證來港的年輕媽媽是否不認識香港法例，若不小心出錯可以原諒，應教導她要安排他人照顧BB，「湊仔教育唔識處理唔出奇，只係怪佢、鬧佢點做人阿媽，佢學唔識，故事只會重演」。
親子教育工作者司徒漢明認為，事件中丈夫責任感薄弱，或需社工介入，協助他重新發揮其應有責任，做個好丈夫及好爸爸，同時夫婦應重點處理婚姻問題，因婚姻狀況不穩定，最受害是一對孖仔。司徒漢明稱，離婚永遠是最後一步，若已向專業人士求助，經過一段長時間努力仍無法改善關係，只好選擇離婚，至於父母或祖母是否適合繼續照顧孖仔，要由專業人士評估，否則可能會由社署介入接管。