新聞類別
港聞
詳情#
【蘋果日報】促銷電話不只對市民造成騷擾，有不法之徒更冒用他人公司名義，誤導市民到美容院進行促銷。「叫市民扮神秘顧客試用美容服務，其實係氹佢哋去美容公司俾人sell！」香港美容出版社總編輯葉世雄（圖）是受害者，其公司名稱被促銷電話冒名使用，結果遭市民致電投訴。
警指無實際損失曾勸退
葉世雄的公司兩年前被人冒認致電市民，邀請到美容院試用療程，「話我哋揀咗10間最優秀嘅美容院出嚟，想你去試吓嗰啲療程，然後做評分，之後會喺雜誌同網站刊登出嚟畀消費者參考」。
他形容冒名者做法取巧，以中英語夾雜聲稱為「香港beauty出版社」，混淆視聽誤導市民。他強調，其公司從沒向市民進行相關邀約，「一聽就知係大話，因為我哋根本冇做呢啲咁嘅嘢，亦冇專欄或網站去做評分」。
過去有公關朋友和其員工向他表示收到同類冒認電話，且有市民致電投訴，「打電話嚟鬧，叫我哋唔好再打嚟；另一種係打嚟confirm（確認）係咪有神秘顧客活動做評分」。雖然無收到有市民因此而損失的投訴，但為保障公司利益，葉決定報警，惟警方認為公司無實際金錢損失，反勸他不用報警。
他指事件損害公司名聲，「萬一（市民）上去經驗不愉快，遇到啲乜嘢問題就會怪責我哋頭上，點會係冇損失？呢個唔係詐騙嘅行為咩？你盜用咗人哋個公司名喎」，因此堅持報警。他當時提供來電電話號碼和美容院地址，惟至今未有收到有人被拘捕消息，「點解查唔到，畀晒邀約（美容院）地址同電話，最受惠係邊間公司」，批評警方執法不力。
■記者張文鈴
警指無實際損失曾勸退
葉世雄的公司兩年前被人冒認致電市民，邀請到美容院試用療程，「話我哋揀咗10間最優秀嘅美容院出嚟，想你去試吓嗰啲療程，然後做評分，之後會喺雜誌同網站刊登出嚟畀消費者參考」。
他形容冒名者做法取巧，以中英語夾雜聲稱為「香港beauty出版社」，混淆視聽誤導市民。他強調，其公司從沒向市民進行相關邀約，「一聽就知係大話，因為我哋根本冇做呢啲咁嘅嘢，亦冇專欄或網站去做評分」。
過去有公關朋友和其員工向他表示收到同類冒認電話，且有市民致電投訴，「打電話嚟鬧，叫我哋唔好再打嚟；另一種係打嚟confirm（確認）係咪有神秘顧客活動做評分」。雖然無收到有市民因此而損失的投訴，但為保障公司利益，葉決定報警，惟警方認為公司無實際金錢損失，反勸他不用報警。
他指事件損害公司名聲，「萬一（市民）上去經驗不愉快，遇到啲乜嘢問題就會怪責我哋頭上，點會係冇損失？呢個唔係詐騙嘅行為咩？你盜用咗人哋個公司名喎」，因此堅持報警。他當時提供來電電話號碼和美容院地址，惟至今未有收到有人被拘捕消息，「點解查唔到，畀晒邀約（美容院）地址同電話，最受惠係邊間公司」，批評警方執法不力。
■記者張文鈴
回應 (0)
