下垂5毫米　3歲仔抬頭視物受阻

【蘋果日報】小朋友出現眼瞼下垂未必明顯，要靠家長細心觀察。3歲的謙謙甫出世，父母已察覺兒子「右眼細啲」，謙謙的父親紀先生說，兒科醫生初時安慰「可能眼未開」，但隔一段時間情況無改善便開始擔心。有次太太帶同謙謙返醫院做婦科檢查，醫生見謙謙眼瞼有異，便轉介到專科，檢查發現謙謙的眼瞼下垂約5毫米，偶爾遮蓋瞳孔，幸視力未受損，暫毋須做手術。
「唔想俾同學笑」
紀先生稱謙謙小時候「大細眼」情況更嚴重，現時雖輕微改善，但仍明顯不對稱。他最怕病症影響謙謙視力，「本身（對眼瞼下垂）認識唔多，初時擔心會唔會連眼球都發育得唔好」，目前按醫生建議，每半年覆診檢查視力，他與太太平日亦會觀察兒子能否看得清楚，「水平望嘢冇乜問題，但如果我哋企喺度，佢抬頭望，有隻眼（右眼瞼）會遮住」，因此夫妻倆經常會俯下身遷就。
跟進謙謙病情的眼科醫生李琬微指出，幼兒在肌肉發育時，提瞼肌的力量有機會稍為增強，正如謙謙的情況，但要治癒仍須動刀。
紀先生稱，若謙謙的視力無礙，計劃在他上小學前開刀做手術，「主要外觀上，唔想佢俾其他同學笑」。他說曾與幼稚園老師溝通告知兒子情況，謙謙沒有因外觀問題在校感不快，但有時在公園遊玩，「其他小朋友會問，點解你隻眼咁嘅？」
■記者袁樂婷