新聞類別
港聞
詳情#
【蘋果日報】「都係想高登好」，是巴打「雞丁」與記者閒聊時說的一句話。自前年LIHKG討論區（俗稱連登）推出後，不少高登仔都選擇「移民」。當巴打名符其實「向左走向右走」的年代，雞丁與五名兄弟，有感LIHKG討論區的文化，與自己格格不入，於是逆流而上，去年9月合組成「高登音樂台」，火力全開做二次創作，希望可吸引巴打「回流」。為過癮，亦為高登。
記者 盧珮瑤
六個巴打，加入高登1年至12年不等，沒有想像中的油頭垢面，玩起樂器上來更有板有眼。成員分工可謂「歌、影、字」一條龍。雖然主力玩二創，但選曲後會重新編曲，兩位填詞人會躲在他們形容為「文昌位」梳化上作詞，填詞後便會進行混音、剪接音樂錄像（MV）等後期製作。
「點知佢要返夜，早知去食M記......」走入音樂台在元朗工廈的陣地，就聽到他們在高歌其他巴打上載到高登的《冷雨夜》二創歌詞，是高登中巴打一人填一句而成的作品，「又係啲群星創作！」Band房中有一套鼓、一排電結他，樂器齊全程度可媲美專業樂隊；不同的是，房中不同角落，夾雜了很多高登標誌的貼紙、坐墊。
雖對「故鄉」忠心耿耿，成員亦並非完全未有接觸過LIHKG討論區。「佢以高登個殼做論壇，但內容有種『內容農場』（Content Farm）嘅感覺，好多打手推自己講嘅嘢，感覺唔係一個討論區。」在LIHKG討論區初推出時，巴打「QBear2nd」曾經到訪過。「雞丁」則認為瀏覽LIHKG討論區，有如「去咗另一個地方」，文章種類單一，且創意改詞帖子很少。「我而家有時睇，都係啲揭人私隱嘅post......我哋係為創意先到『創意台』，唔係為咗揭人私隱，先去人哋嘅『創意台』。」
道不同不相為謀，便留在高登尋找同路人。六位成員原本各有各創作，去年9月決定合組成一隊，首支作品是海鮮界李彩華《你唔買我喇》，找來華哥「咪咀」拍攝MV，在fb累積40多萬點擊率。近期作品《你個嘢壞咗呀》，更加入「譚校長」與美食節龍蝦姐對唱。創意無限，亦希望創意台的會員人數無限上升。負責編曲的「菲律賓男神」則觀察到，音樂台堅持一直創作的效應，「唔係話因為一首作品，而係我哋不停有作品擺上去，有啲會員就會話，佢哋返嚟（高登）喇。」
認真你就輸了，在香港凡事認真做，都總會有「負皮」，六個男孩頓變「佛系」一笑置之。「負評呢家嘢，唔係負評就正評，我最怕無人睇」。問到如何看待有指留在高登的巴打，與現時的「廢老」無分別，他們直認「係，無分別，講得好......我哋年紀較大係事實，但唔會因為咁而放棄我哋嘅創作。」音樂台更曾找來高登行政總裁林祖舜拍攝MV，自然令人聯想他們為高登打手，「如果我哋有收錢，畀人話係打手搞到無收入，當然有影響；但我哋本身都無收錢，畀人話打手都無錢收！」
高登行政總裁林祖舜指，音樂台成員均是活躍會員，「呢啲人畀錢都請唔到，佢哋唔止當交功課，做每件事都好有心。」他未有就音樂台行動成效作實際統計，但明顯見到創意台的「巴打」比以前活躍，「有些會員早前都只是做CD-ROM（只看不回覆），但見到咁多抵死創作，我又一齊嚟（創作）。」認為高登最標誌性的，都是其創意特性，音樂台正正做到改詞和拍攝音樂錄像（MV）的部份。
LIHKG討論區管理員「連尼住」表示，於社交平台曾觀看音樂台相關創作，部份都頗「高質」有趣，但未有觀察過音樂台的目的和成效，不便評論。從討論區推出以來，一直致力令更多用戶關注多元化的內容，如早前推出的分台功能，往後亦會繼續鼓勵會員做更多創作。
高登手機應用程式的使用，一直引來很多爭議，不少網民依靠第三方瀏覽程式到訪高登，其中一個是專門給iOS用戶的「HKG+」。於2016年10月，由於「HKG+」違反API使用條件，不再獲高登授權作第三方程式，引發網民提議另起爐灶。同年11月，LIHKG討論區正式成立。
記者 盧珮瑤
六個巴打，加入高登1年至12年不等，沒有想像中的油頭垢面，玩起樂器上來更有板有眼。成員分工可謂「歌、影、字」一條龍。雖然主力玩二創，但選曲後會重新編曲，兩位填詞人會躲在他們形容為「文昌位」梳化上作詞，填詞後便會進行混音、剪接音樂錄像（MV）等後期製作。
「點知佢要返夜，早知去食M記......」走入音樂台在元朗工廈的陣地，就聽到他們在高歌其他巴打上載到高登的《冷雨夜》二創歌詞，是高登中巴打一人填一句而成的作品，「又係啲群星創作！」Band房中有一套鼓、一排電結他，樂器齊全程度可媲美專業樂隊；不同的是，房中不同角落，夾雜了很多高登標誌的貼紙、坐墊。
雖對「故鄉」忠心耿耿，成員亦並非完全未有接觸過LIHKG討論區。「佢以高登個殼做論壇，但內容有種『內容農場』（Content Farm）嘅感覺，好多打手推自己講嘅嘢，感覺唔係一個討論區。」在LIHKG討論區初推出時，巴打「QBear2nd」曾經到訪過。「雞丁」則認為瀏覽LIHKG討論區，有如「去咗另一個地方」，文章種類單一，且創意改詞帖子很少。「我而家有時睇，都係啲揭人私隱嘅post......我哋係為創意先到『創意台』，唔係為咗揭人私隱，先去人哋嘅『創意台』。」
道不同不相為謀，便留在高登尋找同路人。六位成員原本各有各創作，去年9月決定合組成一隊，首支作品是海鮮界李彩華《你唔買我喇》，找來華哥「咪咀」拍攝MV，在fb累積40多萬點擊率。近期作品《你個嘢壞咗呀》，更加入「譚校長」與美食節龍蝦姐對唱。創意無限，亦希望創意台的會員人數無限上升。負責編曲的「菲律賓男神」則觀察到，音樂台堅持一直創作的效應，「唔係話因為一首作品，而係我哋不停有作品擺上去，有啲會員就會話，佢哋返嚟（高登）喇。」
認真你就輸了，在香港凡事認真做，都總會有「負皮」，六個男孩頓變「佛系」一笑置之。「負評呢家嘢，唔係負評就正評，我最怕無人睇」。問到如何看待有指留在高登的巴打，與現時的「廢老」無分別，他們直認「係，無分別，講得好......我哋年紀較大係事實，但唔會因為咁而放棄我哋嘅創作。」音樂台更曾找來高登行政總裁林祖舜拍攝MV，自然令人聯想他們為高登打手，「如果我哋有收錢，畀人話係打手搞到無收入，當然有影響；但我哋本身都無收錢，畀人話打手都無錢收！」
高登行政總裁林祖舜指，音樂台成員均是活躍會員，「呢啲人畀錢都請唔到，佢哋唔止當交功課，做每件事都好有心。」他未有就音樂台行動成效作實際統計，但明顯見到創意台的「巴打」比以前活躍，「有些會員早前都只是做CD-ROM（只看不回覆），但見到咁多抵死創作，我又一齊嚟（創作）。」認為高登最標誌性的，都是其創意特性，音樂台正正做到改詞和拍攝音樂錄像（MV）的部份。
LIHKG討論區管理員「連尼住」表示，於社交平台曾觀看音樂台相關創作，部份都頗「高質」有趣，但未有觀察過音樂台的目的和成效，不便評論。從討論區推出以來，一直致力令更多用戶關注多元化的內容，如早前推出的分台功能，往後亦會繼續鼓勵會員做更多創作。
高登手機應用程式的使用，一直引來很多爭議，不少網民依靠第三方瀏覽程式到訪高登，其中一個是專門給iOS用戶的「HKG+」。於2016年10月，由於「HKG+」違反API使用條件，不再獲高登授權作第三方程式，引發網民提議另起爐灶。同年11月，LIHKG討論區正式成立。
回應 (0)
