新聞類別
財經
詳情#
【蘋果日報】新股「串燒三兄弟」仲有一隻易鑫（2858）聽日開估，由細到大無乜抽獎運，table prize都可以唔中，除了中七抽啤牌，每人放$10、$20押注抽鬼牌，相信係我人生暫時唯一一次靠運氣中獎（之後仲要走去買六合彩蝕埋），所以，孖展完中咗閱文（772），一家幾口齊齊過100蚊放，每人袋一萬飲茶錢，屬意料中事。不過，易鑫一手中籤率為10%，30手先中一手，相信今次孖展得太少，呢粒「串燒」應該繼續虛如浮雲。
不過，最近幾隻新股，想長揸嘅目前只有閱文，除咗以前講嘅十幾年小說情意結，閱文增長最有睇頭，有唔少人講，內地盜版、盜文周圍都有，點解內地人、海外華人要畀錢去睇閱文旗下內容？確實係有盜文情況，即係閱文嘅旗下小說周圍都有得睇，不過通常都唔夠齊全，追開想睇埋作者寫嘅番外篇，好多都係實體小說先有，尤其內地中產增長，唔少人根本唔介意俾10蚊、8蚊買網上小說睇，甚至喺淘寶買最新出版小說，都只係20蚊人仔一本，對閱文1,200萬付費用戶，每個付費用戶原來拉勻計只係畀咗幾蚊閱文，喺佢旗下晉江睇一篇VIP文章，即係做VIP充值再畀錢買一章小說睇，1,000字只係收0.03蚊人仔，即係3分錢人民幣。
如果閱文略略提高收費，相信成盤數增長可以double，甚至triple，所以仍然可以搵位再翻炒閱文，佢今日重返紅底股，幾時500蚊做另一隻騰訊，買咗放下，至少未來仲有機會！
Melody
http://fb.com/whichroad
不過，最近幾隻新股，想長揸嘅目前只有閱文，除咗以前講嘅十幾年小說情意結，閱文增長最有睇頭，有唔少人講，內地盜版、盜文周圍都有，點解內地人、海外華人要畀錢去睇閱文旗下內容？確實係有盜文情況，即係閱文嘅旗下小說周圍都有得睇，不過通常都唔夠齊全，追開想睇埋作者寫嘅番外篇，好多都係實體小說先有，尤其內地中產增長，唔少人根本唔介意俾10蚊、8蚊買網上小說睇，甚至喺淘寶買最新出版小說，都只係20蚊人仔一本，對閱文1,200萬付費用戶，每個付費用戶原來拉勻計只係畀咗幾蚊閱文，喺佢旗下晉江睇一篇VIP文章，即係做VIP充值再畀錢買一章小說睇，1,000字只係收0.03蚊人仔，即係3分錢人民幣。
如果閱文略略提高收費，相信成盤數增長可以double，甚至triple，所以仍然可以搵位再翻炒閱文，佢今日重返紅底股，幾時500蚊做另一隻騰訊，買咗放下，至少未來仲有機會！
Melody
http://fb.com/whichroad
回應 (0)
