63歲首次參賽　羅致光「想睇吓水質係咪好咗」

【蘋果日報】「真係幾想跳落去維港，睇吓啲水質係咪好咗好多」，就是這個原因，周日舉行的維港泳，勞工及福利局局長羅致光首次參賽。他說，淨化海港工程已完成數年，與其參考指標，倒不如親身體驗水質。他對上一次跳落維港，是13年前聯同民主黨何俊仁反對拆卸皇后碼頭，「嗰陣時啲海水真係……你飲一啖可能會困擾幾日」。
目標25分鐘內完成
2004年正值立會選舉，時任民主黨軍師的羅致光，聯同主席楊森和副主席何俊仁，先乘遊艇駛出維港，再跳入海中，游泳返回皇后碼頭，抗議清拆。羅致光憶述當時何俊仁氣力不繼，「我喺側邊傍住佢，我話得㗎啦，你反肚（反轉身體）咪得囉，你反肚我哋就可以當浮板咁，推翻你返去」。最終出動救生圈把何俊仁救上岸。
羅致光約6歲便到鐘聲泳棚自學游泳，暢游半世紀，惟從沒參加維港泳，但曾擦身而過。那年他約24歲，維港泳停辦前，由尖沙咀天星碼頭游至對岸灣仔天星碼頭，全程約1,600米。他說，因當時屬競賽形式，加上泳術以蛙式為主，論速度不及自由式，最後無參賽。晃眼近40年，今年渡海泳羅致光報名參加優悠組1,000米賽程，目標25分鐘內完成。年近64歲，終圓年輕夢。
■記者王家文