新地長實員工5天工作

【明報專訊】本地發展商待員工一向不薄，好似新鴻基地產（0016）、恒基地產（0012）同新世界發展（0017）等都有包伙食，員工每日午飯可以幾餸一湯，兼且唔使出街同人迫。至於工時，華資公司傳統都係6天或5天半工作制，但小琴聽聞，新地今個月開始已悄悄地實施5天工作制，而長實（0001）下個月亦都會改行5天工作制噃！


逾九成員工受惠

小琴第一時間向新地求證，新地公關就話公司管理層聆聽同事意見，經計劃後，決定今年5月1日起實施5天工作制同埋彈性上班時間，涵蓋超過九成總公司寫字樓員工，相信新安排可以畀同事享有更為平衡嘅工作及生活（work-life balance）咁話。至於長實，探子回報都話下個月會開始實行5天工作制。希望香港嚟緊多啲良心僱主，等大家多啲時間見吓家人同休息吓啦。


[小琴密語]