美圖新手機 送美少女戰士武器

【明報專訊】美圖（1357）近日喺廈門發布最新手機M8，其中有一款美少女戰士限量版，除咗手機機身有月野兔招牌剪影，一望便知外，仲有一樣令死忠粉絲尖叫嘅，就係附送專用武器——螺旋月光愛心神杖式樣自拍棍，女士可以隨時手握神杖大叫「替月行道，儆惡懲奸」，變身SailorMoon（至於會否惹來奇異目光小琴唔負責）。


有望扭美圖變現能力質疑

限量版配備同款自拍遙控器及美少女主題手機套，手機套更有SailorMoon制服上嘅大紅蝴蝶結。據講微信朋友圈已經被呢部充滿「少女心」的手機刷屏，睇嚟今次一直被質疑變現能力嘅美圖不僅吸睛而且有好大機會「替月行道，儆懲銀包」。


雖然係限量版，但價錢又唔係好貴，只售2999蚊人仔，不過美少女粉絲唔好高興得太早，因為5月開賣的只是標準版M8，美少女限量版要到6月先會正式推出，同埋限量1萬部，內地都唔夠搶，香港會唔會推出仍是未知數。


email: piano@mingpao.com

[小琴密語]