貓奴狗奴注意 漁署將檢測寵物食品

【明報專訊】政府統計本港住戶共飼養咗29.8萬隻狗及21.3萬隻貓，一眾狗奴貓奴梗係好緊張寵物食糧係咪安全。政府無承諾為寵物食品安全規管立法，但漁護署就話，即將委聘承辦商展開一項研究，檢測市場上出售嘅寵物食品。呢項工作會喺兩年內做6次食品隨機抽樣，大部分會係最常見嘅貓狗乾糧、罐頭，亦會包含其他半濕糧、冷凍脫水糧及急凍糧，以及供餵飼其他寵物如雀鳥和齧齒動物嘅飼料。


漁護署話，承辦商每次會抽取60個樣本化驗，數目總類共360個，而化驗會參考其他地區標準，包括檢測有害物質如沙門氏菌、黃曲霉毒素及三聚氰胺，以及重金屬。漁護署話當檢測完成，就可以比較香港與其他地區寵物食品嘅安全情况。