照顧寄養童5年 鄧家彪母獲嘉許

【明報專訊】香港有唔少小朋友因家庭問題，由社署交託畀寄養者照顧，家寄養家庭有899個，而工聯會鄧家彪嘅媽媽係其中一個。阿彪成家立室，30幾歲人唔使阿媽照顧，媽媽時間及精神許可，所以5年前申請做寄養者，仲好愛錫暫託嘅小朋友，攞到社署嘅嘉許狀。
阿彪話媽媽剛夠65歲資格擺長者卡，而媽媽照顧寄養兒童都好開心，寄養小朋友都好乖巧，好聽「姨婆」話，阿彪個囡囡同呢個新家庭成員都好friend。阿彪話自己好支持媽媽服務社會，至於佢自己會唔會效法媽媽做寄養家長，阿彪就話可能要等佢退休先可以，因為自己成日開工，好多嘢搞，好少返屋企食晚飯，所以未必有能力照顧寄養兒童。