新舊「購物狂」交鋒搶德銀行

【明報專訊】最近一提到海航，就會令人諗起佢頻頻海外shopping，十足十「天生購物狂」，講起安邦呢，梗係同內地媒體財新對陣，不過大家唔善忘嘅話，應該仲記得早幾年嘅安邦都係「天生購物狂」，當年佢出手規模同涉及業務之廣，同家嘅海航比完全唔輸蝕。


噚日市場傳來一單消息，陷入困境嘅德國銀行HSH Nordbank AG積極搵買家接盤，目前已經有7名潛在買家，其中兩家竟然就係海航同安邦，新舊兩代購物狂難得今次同場爭奪，立即令單「刁」變得異常吸睛。不過，除咗海航同安邦，其他競爭者來頭都唔野少，例如美國私募股權投資公司阿波羅全球管理。


海航傳已成德銀大股東

話時話，海航今年初以來已先後增持德銀股票，最新消息係已經成為德銀大股東，睇個勢公司似乎意猶未盡，想再響當地銀行業搶市場份額。


[小琴密語]