新聞類別
副刊
詳情#
【明報專訊】上星期連續幾日假期，加上天公作美，天朗氣清，Mama帶住兩個豆丁，日日都走去戶外玩餐飽。講開玩，唔係認叻，Mama同啲細路愈玩愈投契，都係多得智樂兒童遊樂協會教路，令Mama逐漸掌握到同小朋友玩嘅秘訣，之唔係「高度投入，完全放手」囉！
誰說細路只鍾意打機？
上星期三，智樂兒童遊樂協會喺西九龍文化區搞咗一場「鷹君智樂遊戲家加+2017跟孩子真玩之家長實戰日」，Mama都有報名參加，整個活動，就係奉行呢個原則。大會只係提供咗一啲家居物資，例如紙皮、廁紙筒、衣夾、樽蓋、膠球等等，無導師、無示範，小朋友鍾意點玩就點玩。
成日聽到有人批評家啲細路淨係鍾意打機，Mama又唔係幾同意，好似嗰日現場所見，大家都無遊戲機、無玩具在手，成班豆丁只得啲最原始材料，一樣玩到癲晒，個個笑到咔咔聲。Mama總覺得，小朋友玩啲乜、點樣玩，好睇家長營造一個點樣嘅環境。
發揮創意 樽蓋有不同玩法
智樂高級企業傳訊主任李寶蓮（Rebecca）同Mama講，小朋友興之所至，其實乜都可以係遊戲，最重要係家長能夠投入佢哋嘅世界，唔好太多干預，任佢哋發揮。同一個樽蓋，有小朋友會用嚟當棋子，亦有人會用嚟當食物玩煮飯仔，點玩真係由得佢哋。
講返活動當日，31度高溫之下，你哋估乜嘢「玩具」最受小朋友歡迎呢？答案就係冰磚喇！成班細路圍住啲冰磚不停用手摸、用毛巾捽，單係咁，已經笑到見牙唔見眼，親子遊戲，原來就係可以咁簡單。
錯失今次機會嘅家長們亦唔使失望，Rebecca話，智樂經常都舉辦戶外遊戲日，只要大家留意佢哋嘅Facebook專頁（Facebook搜尋Playright Children's Play Association），下次一定有機會一齊玩喎！
[Happy PaMa 教得樂 137期]
誰說細路只鍾意打機？
上星期三，智樂兒童遊樂協會喺西九龍文化區搞咗一場「鷹君智樂遊戲家加+2017跟孩子真玩之家長實戰日」，Mama都有報名參加，整個活動，就係奉行呢個原則。大會只係提供咗一啲家居物資，例如紙皮、廁紙筒、衣夾、樽蓋、膠球等等，無導師、無示範，小朋友鍾意點玩就點玩。
成日聽到有人批評家啲細路淨係鍾意打機，Mama又唔係幾同意，好似嗰日現場所見，大家都無遊戲機、無玩具在手，成班豆丁只得啲最原始材料，一樣玩到癲晒，個個笑到咔咔聲。Mama總覺得，小朋友玩啲乜、點樣玩，好睇家長營造一個點樣嘅環境。
發揮創意 樽蓋有不同玩法
智樂高級企業傳訊主任李寶蓮（Rebecca）同Mama講，小朋友興之所至，其實乜都可以係遊戲，最重要係家長能夠投入佢哋嘅世界，唔好太多干預，任佢哋發揮。同一個樽蓋，有小朋友會用嚟當棋子，亦有人會用嚟當食物玩煮飯仔，點玩真係由得佢哋。
講返活動當日，31度高溫之下，你哋估乜嘢「玩具」最受小朋友歡迎呢？答案就係冰磚喇！成班細路圍住啲冰磚不停用手摸、用毛巾捽，單係咁，已經笑到見牙唔見眼，親子遊戲，原來就係可以咁簡單。
錯失今次機會嘅家長們亦唔使失望，Rebecca話，智樂經常都舉辦戶外遊戲日，只要大家留意佢哋嘅Facebook專頁（Facebook搜尋Playright Children's Play Association），下次一定有機會一齊玩喎！
[Happy PaMa 教得樂 137期]
回應 (0)
