母親節父親節吸客 入海洋公園晚餐免入場費

【明報專訊】有冇人同Emily一樣煩惱緊母親節及父親節帶至親去邊度威？海洋公園今年為吸客，喺5月6日及6月30日期間多個周末，搞母親節及父親節半自助晚餐，顧客可以去香港首間及唯一設於水族館內嘅海龍王餐廳享用美食，而毋須購買公園門票。
海洋公園主席孔令成話，今年母親節及父親節期間，遊客可毋須購買入場門票入公園食飯，遊客只需喺網上預約，就可以喺期內指定日子嘅星期六及日，晚上6點後免費入園，半自助晚餐收費就要520元，長者及小童半價。
不過，以上收費唔包玩樂園設施，要玩就另外買票，而如果係海洋公園智紛會員，買門票或食飯都會享有九折等優惠。