新聞類別
副刊
詳情#
【明報專訊】第6屆全港運動會（下稱港運會）上月尾揭幕，為期一個幾月。今屆有3200名參賽者，分別參加8個比賽項目，包括田徑、羽毛球、籃球、五人足球、游泳、乒乓球、網球同排球。Mama仲打算同一對囝囡入場觀戰。
計Mama話，係唔係比賽都好，日常多啲做運動，絕對百利而無一害。凝動香港體育基金嘅創辦人黃梓謙（Gary）都同意呢個睇法，當初佢成立基金，就係想推廣運動，亦為基層小朋友安排體育訓練。
根據Gary嘅講法，運動嘅益處主要可以分成兩個層面。首先係健康，好多香港小朋友，每星期只有兩堂體育堂，平均運動時數低過上海、新加坡、台灣等地方；如果增加運動時數，就可以避免兒童癡肥問題。另一方面，做運動有助小朋友培養良好品格，例如學識點同人相處，「好多年輕人、小朋友活喺網絡世界，實際同人接觸嘅機會比較少，但做運動無可避免要面對人，踢波有隊友，長跑要跟住教練」。而做運動期間，要時刻檢視身體狀况，亦要設定目標等等，可建立自理能力。
選一種喜歡運動 專注發展
不過，平時冇郁開嘅小朋友，突然要佢哋做運動，都唔係一件容易事。Gary就為家長提供小貼士，增加細路做運動嘅動力。第一係家長自身心態要改變，「好多父母覺得體育係次要，讀好書先玩，佢哋要先調整，明白到運動唔一定會阻礙讀書」。其次，安排時間表都要有技巧，「日日做唔同運動，反而會令佢哋辛苦，培養唔到興趣。家長不妨幫佢哋搵啱一樣喜歡嘅運動，專注發展」。點發掘鍾意嘅項目呢？多觀賞係一個好方法，包括睇電視直播、入場觀賽，甚至去運動訓練班觀摩。
聽到Gary咁講，各位家長更加要把握機會，帶囝囡去睇港運會比賽喇！觀賽費用全免，賽程時間同地點，可以參考港運會網頁（www.hongkonggames.hk）。
[Happy PaMa 教得樂 136期]
計Mama話，係唔係比賽都好，日常多啲做運動，絕對百利而無一害。凝動香港體育基金嘅創辦人黃梓謙（Gary）都同意呢個睇法，當初佢成立基金，就係想推廣運動，亦為基層小朋友安排體育訓練。
根據Gary嘅講法，運動嘅益處主要可以分成兩個層面。首先係健康，好多香港小朋友，每星期只有兩堂體育堂，平均運動時數低過上海、新加坡、台灣等地方；如果增加運動時數，就可以避免兒童癡肥問題。另一方面，做運動有助小朋友培養良好品格，例如學識點同人相處，「好多年輕人、小朋友活喺網絡世界，實際同人接觸嘅機會比較少，但做運動無可避免要面對人，踢波有隊友，長跑要跟住教練」。而做運動期間，要時刻檢視身體狀况，亦要設定目標等等，可建立自理能力。
選一種喜歡運動 專注發展
不過，平時冇郁開嘅小朋友，突然要佢哋做運動，都唔係一件容易事。Gary就為家長提供小貼士，增加細路做運動嘅動力。第一係家長自身心態要改變，「好多父母覺得體育係次要，讀好書先玩，佢哋要先調整，明白到運動唔一定會阻礙讀書」。其次，安排時間表都要有技巧，「日日做唔同運動，反而會令佢哋辛苦，培養唔到興趣。家長不妨幫佢哋搵啱一樣喜歡嘅運動，專注發展」。點發掘鍾意嘅項目呢？多觀賞係一個好方法，包括睇電視直播、入場觀賽，甚至去運動訓練班觀摩。
聽到Gary咁講，各位家長更加要把握機會，帶囝囡去睇港運會比賽喇！觀賽費用全免，賽程時間同地點，可以參考港運會網頁（www.hongkonggames.hk）。
[Happy PaMa 教得樂 136期]
回應 (0)
