港人健康指數連跌3年

【明報專訊】呢幾年嘅社會撕裂之下，港人嘅健康幸福感都逐年下跌。信諾保險公布咗2017年全球360度健康指數年度調查結果，香港得分由2015年嘅59.9分，跌到今年嘅58.6分，喺受訪嘅13個國家地區中排尾三。工作時間長，壓力大，香港人超過六成都覺得冇乜時間同屋企人相處。仲有嘅係，亞洲金融之都當中，竟然超過八成人都擔憂自身經濟狀况。反觀得分最高嘅兩個國家，印度有73分，泰國65分，無理由呢啲國家健康條件同經濟狀况好過香港。信諾香港老闆Austin話，個調查反映主觀睇法，可以反映人嘅真實狀態。
評AIA：一分錢一分貨
對於之前保險界大佬AIA要求醫生界減少過度醫療，Austin不評論，不過他認為一分錢一分貨，買咗邊種產品就有邊種服務。信諾提升咗旗下皇牌產品「信諾尊尚醫療保」，每年最高賠償額達2380萬，包埋多達120次嘅入院前後門診護理費用，傲視全港。
[小琴密語]