葉劉選特首 花1.8萬扮靚 幫襯銅鑼灣店 6次化妝整頭

【明報專訊】曾參選特首但未能「入閘」嘅新民黨主席葉劉淑儀，近日向選舉事務處申報選舉開支，喺約586萬元總開支入面，葉太喺「個人開支」申報咗一項「化妝」費用，價值1.8萬元。究竟係點使法嘅呢？


收據顯示，葉太喺去年12月，幫襯一間位於銅鑼灣、名為「Yvonne. A Makeup」嘅化妝公司6次，每次花費3000元，消費項目就叫「Makeup and hair（化妝整頭）」。不過，葉太喺12月15日舉行參選記者會時，就似乎無搵呢間公司化妝。


Emily噚日透過facebook搵到化妝公司嘅專頁，該公司喺截稿前未有回應Emily查詢。


睇番個專頁，化妝師不時會分享工作點滴，包括唔少平面模特兒、婚宴同廣告工作嘅花絮相片，最近幫襯嘅就有現任電台記者同前娛樂新聞主播，不過Emily搵嚟搵去，都見唔到葉太妝前妝後嘅靚相。