新聞類別
副刊
詳情#
【明報專訊】早排一對囝囡睇緊卡通片，突然爭拗起上嚟，阿囝話多啦A夢唔應該用法寶幫大雄，搞到大雄唔識解決問題；阿囡就話多啦A夢同大雄係朋友，對方有需要當然要出手幫忙。
咁都拗得一餐，Mama都唔知好嬲定好笑，但原來呢條係一個學界辯論比賽嘅題目嚟㗎。比賽叫「奇趣盃」，2012年起由寶血會上智英文書院中文辯論隊舉辦，今年已經嚟到第六屆，有24間學校參加。「多啦A夢對大雄的成長利多於弊」係第一屆嘅初賽辯題，當年決賽嘅辯題係「人類不應主動接觸外星人」。
嘩！呢啲題目完全超出Mama想像，乜辯論唔係講「中學生應否談戀愛」或者時事咩？奇趣盃籌委會主席黃可而（Fara）就同Mama分享，一般學界比賽題目局限喺政策、時事或者嚴肅話題，佢哋好想打破呢個局面，「出一啲新穎嘅辯題，唔係要嘩眾取寵，而係想話畀大家知，辯論都可以貼近大眾」。
要諗出破格嘅題目，好考一班籌委嘅創意。佢哋會集思廣益，先留意坊間趣聞，再一齊討論可唔可以變成辯題，最後投票決定，成個過程都好花工夫。而一則趣聞要化成辯題，最緊要係有可辯性，甚至引伸至價值觀上嘅討論。
不能一味搞笑 要引出深思
好似今屆嘅初賽，其中一條辯題係「譚仔應聘請粵語發音純正的員工」，「表面好似取笑人發音唔正，諗深一層，其實背後有啲社會概念，好值得大家研究。正方可以講本土方言嘅價值，反方可以講下聘請新移民嘅意義、點樣幫助佢哋」。初賽題目仲有「曾俊華比胡國興更應成為香港先生」、「WhatsApp不應推出即時動態」等，討論起上嚟都有唔少火花。
唔好以為題目得意，辯員就可以輕鬆應付，相比起一般辯題，奇趣辯題隨時更難處理，「時事政策方面嘅題目，有大量新聞、書籍參考，但奇趣辯題就冇。辯員要對題目有個人見解，亦要有一定分析能力，先建立到自己嘅論點」。
除此之外，比賽設有抽卡制度，辯員要完成卡上嘅要求。例如「空手辯卡」，辯員發言時唔可以帶住手卡，變相考驗背稿同臨場發揮，亦會提升辯論能力。奇趣盃初賽今個月中已經完結，決賽就留待暑假先上演，Mama十分期待，唔知到時又會有咩奇趣辯題呢？
[Happy PaMa 教得樂 135期]
咁都拗得一餐，Mama都唔知好嬲定好笑，但原來呢條係一個學界辯論比賽嘅題目嚟㗎。比賽叫「奇趣盃」，2012年起由寶血會上智英文書院中文辯論隊舉辦，今年已經嚟到第六屆，有24間學校參加。「多啦A夢對大雄的成長利多於弊」係第一屆嘅初賽辯題，當年決賽嘅辯題係「人類不應主動接觸外星人」。
嘩！呢啲題目完全超出Mama想像，乜辯論唔係講「中學生應否談戀愛」或者時事咩？奇趣盃籌委會主席黃可而（Fara）就同Mama分享，一般學界比賽題目局限喺政策、時事或者嚴肅話題，佢哋好想打破呢個局面，「出一啲新穎嘅辯題，唔係要嘩眾取寵，而係想話畀大家知，辯論都可以貼近大眾」。
要諗出破格嘅題目，好考一班籌委嘅創意。佢哋會集思廣益，先留意坊間趣聞，再一齊討論可唔可以變成辯題，最後投票決定，成個過程都好花工夫。而一則趣聞要化成辯題，最緊要係有可辯性，甚至引伸至價值觀上嘅討論。
不能一味搞笑 要引出深思
好似今屆嘅初賽，其中一條辯題係「譚仔應聘請粵語發音純正的員工」，「表面好似取笑人發音唔正，諗深一層，其實背後有啲社會概念，好值得大家研究。正方可以講本土方言嘅價值，反方可以講下聘請新移民嘅意義、點樣幫助佢哋」。初賽題目仲有「曾俊華比胡國興更應成為香港先生」、「WhatsApp不應推出即時動態」等，討論起上嚟都有唔少火花。
唔好以為題目得意，辯員就可以輕鬆應付，相比起一般辯題，奇趣辯題隨時更難處理，「時事政策方面嘅題目，有大量新聞、書籍參考，但奇趣辯題就冇。辯員要對題目有個人見解，亦要有一定分析能力，先建立到自己嘅論點」。
除此之外，比賽設有抽卡制度，辯員要完成卡上嘅要求。例如「空手辯卡」，辯員發言時唔可以帶住手卡，變相考驗背稿同臨場發揮，亦會提升辯論能力。奇趣盃初賽今個月中已經完結，決賽就留待暑假先上演，Mama十分期待，唔知到時又會有咩奇趣辯題呢？
[Happy PaMa 教得樂 135期]
回應 (0)
