「薯片叔叔」蛋糕 賀曾俊華生日

【明報專訊】前財政司長曾俊華噚日66歲生日，佢喺facebook上載「薯片叔叔」造型嘅生日蛋糕（圖），多謝各方祝福。


逾千網民留言祝賀，有網民更稱阿Sir做「民間特首」，仲話「期待你重出江湖的一天」。生日蛋糕照上載短短3小時，已經有逾1.5萬個like，受歡迎程度依舊，網民仲好掛住阿Sir。


阿Sir透露，自己趁生日睇咗電影《愛無懼色》（A United Kingdom），話非常感動、有啟發，佢仲係hashtag表明「Love Has No Boundaries（愛無邊界）」。《愛無懼色》係一套講述一名非洲黑人王子去倫敦留學，邂逅白人女子嘅愛情故事，講兩人如何喺跨種族通婚爭議之下，排除萬難、共偕連理。