陳啟宗：港學術好 欠視野

【明報專訊】恒隆系董事長陳啟宗噚日又袋錢落年輕人袋，佢出席香港發展論壇分享會時話，年輕一代香港人創業時無中國視野，過分着眼本地市場，白白浪費內地13億人口嘅市場，錯失大量商機。佢寄語香港嘅創業家，唔需要抱有優越感或自卑感，反而需具備寬闊視野同拼搏精神，先可以成功創業。


籲勿浪費13億人口市場

佢主動提到，香港搞創業唔係無資金，只係欠缺創業氛圍，同埋缺乏成功例子畀大家參考。佢認為香港創業有兩大優勢，一方面香港作為國際金融中心，金融支援充足；另一方面，香港嘅大學學術水平亦相當高，無論喺科學研究或者科技發展均有出色水準，未來香港創業家應該諗下，點樣將大學嘅學術成就演化為個人機遇，開啟創業之路。


[小琴密語]