鑽石山站沙中線月台現「巨鑽」

【明報專訊】鑽石山站真係有鑽石？Emily講緊嘅係港鐵鑽石山站沙中線新月台嘅設計。噚日港鐵喺facebook上載咗一張新相，顯示鑽石山站沙中線新月台正在動工，新月台同家鑽石山站觀塘線月台一樣（下圖）都以黑色為主調，但「鑽石」圖案就有好大分別喇，對比家「細細粒」嘅「鑽石」，新月台柱位（上圖）嘅「鑽石」明顯大粒好多，仲好閃吓，連港鐵小編都喺fb度tag上「鑽石山站放閃」。


有網民就留言形容新設計係8卡鑽石，但亦有網民覺得新「鑽石」太浮誇，好似家咁平平實實最好，唔知大家又鍾意邊個設計多啲呢？