侯王廟車公廟開放搞中式婚禮 「港人優先」 禁帶酒精飲品

【明報專訊】婚禮喺教堂舉行就見得多，如果想搞番個別具一格嘅傳統中式婚禮，留番啲獨特嘅回憶，Emily今次就有介紹。話說九龍城侯王古廟、沙田車公廟及大坑蓮花宮呢3所廟宇，家唔單止可以求籤祈福，華人廟宇委員會即日宣布，開放畀善信們申請舉辦婚禮。
場地免費　婚禮儀式收費
場地借出係免費，不過婚禮儀式費用則由1388元起，服務包括駐廟師傅誦經及協助化寶帛稟告神明。
須穿中式禮服　菜式須素食
而想搞傳統婚禮，新人都要遵守唔少規則，例如廟方規定，要穿著中式婚宴禮服舉行儀式，菜式須為素食，以及唔可以帶酒精飲品等。
難得喺歷史悠久嘅廟宇舉行一生人一次嘅婚禮，可能都吸引唔少遊客想體驗。不過留意呢個服務就「港人優先」嘅，新人其中一方必須係香港居民。