「與海獅約會」 海洋公園推親親動物月

【明報專訊】海洋公園本周五（14號）起舉行為期一個月嘅「親親動物月」，入場者可以近距離欣賞到樹懶、北極狐等動物。公園並首次推出期間限定環節「約會海獅」，額外畀多180元就可以參加，二人同行可以298元參加，只需入園當日即場報名就可以。
13館動物近距離接觸
「親親動物月」喺4月14日至5月14日舉行，公園會喺特定時間安排13個動物館嘅動物同大家近距離接觸。其中包括今年8歲嘅二趾樹懶小樹，小樹嘅可愛程度直逼電影《優獸大都會》嘅樹懶阿閃