白韞六無回應去留

【明報專訊】廉政專員白韞六噚日出席立法會財委會特別會議，交代廉政公署嘅開支預算。專員嘅合約喺6月30號就會屆滿，Emily都好關心佢會否留任，不過專員就無特別回應佢合約屆滿後嘅去向。唔知喺下年度，Emily仲會唔會見到白韞六以專員身分出席特別會議呢？
另外，會議上都有議員關心廉署嘅調查工作，其中工業界（二）吳永嘉話，根據文件見到廉署可追查嘅政府部門投訴個案，只有一半，擔心投訴機制會否被人濫用。
私營機構具名投訴率高過公營
廉署執行處長（私營機構）朱敏健就話，過去3年，有關政府部門投訴數字穩定地上升，佢哋有探究過點解私營機構可追查百分比高啲，見到私營機構嘅具名投訴有近七成，而公營機構及政府部門只有逾五成，相信具名投訴可追查嘅機會多啲。不過朱sir話無論是否具名，廉署都會睇內容係咪可進行有意義追查，如果有，就會適當跟進。