20藝術階梯 按季節變裝

【明報專訊】為慶祝本港回歸20周年及香港藝術館成立55周年，香港藝術館由3月至12月，以館藏花卉內容嘅作品，配合四季主題，裝飾不同地區嘅階梯。今次計劃會裝飾全港14個文娛康樂場地共20條階梯，按春夏秋冬換上新裝，市民可以欣賞到80個不同設計，如以傳統國畫大師作品、19世紀歷史繪畫及當代藝術作品等作裝飾。喺噚日啟動儀式上，尖沙嘴文化中心露天廣場嘅階梯就以吳冠中嘅巨型水墨畫《春雨》裝飾，圖為有展能藝術家喺階梯前表演舞蹈。