新聞類別
副刊
詳情#
【明報專訊】今日係兒童節，Mama喺度祝小朋友們，每日都過得開開心心！往年慶祝兒童節，第一時間就會諗起食大餐，或者送禮物畀一對囝囡。今年Mama發現，兒童節有個更重要嘅意義，就係去聆聽兒童嘅心底話，促進上下兩代之間嘅交流。
點解Mama突然有呢個念頭呢？事關喺兒童節前，聯合國兒童基金香港委員會（UNICEF HK）搞咗個首映禮，播放一套名叫《明天我》嘅紀錄片，由知名導演黃修平執導，拍攝三個青少年嘅真實生活。主角都各有故事㗎：有個女仔叫英毅，想以拍片為人生方向，但得唔到媽媽支持；另一個女仔子元就為咗興趣，由傳統學校轉讀藝術學院；最後係銘俊，平時最鍾意挑戰校規，又批評老師畀嘅功課無助思考。
初初聽到佢哋嘅諗法，Mama都覺得唔易理解，畢竟喺大人眼中，讀書、做功課、考試、升學，全部都正常不過。好在片中嘅幾個青少年，之前都參加咗UNICEF HK嘅短片製作比賽，以「給爸媽的話」為題拍攝一分鐘短片，於是Mama即刻上網搵返佢哋嘅大作嚟睇，嘗試了解佢哋想法。
其中以銘俊嘅作品最令Mama印象深刻，原來呢個喺學校鍾意挑戰權威嘅學生，對大人嘅要求唔算高，只係想任職保險經紀、工作繁忙嘅媽媽，花多啲時間陪自己。喺短片裏面，銘俊向媽媽推銷「美麗人生基金」：只要肯付出時間陪伴子女，就會得到家庭和諧、共享天倫等「預期回報」，「家庭幸福指數」亦會慢慢上升。
下月起全港免費放映
睇完之後，Mama搵咗UNICEF HK倡議經理馮素霞（Sofia）傾下感想。Sofia話，其實孩子嘅心願往往好簡單，「可能想得到爸媽支持去追尋夢想，或者花多啲時間陪佢哋。但佢哋提出之後，爸媽可能好快諗到難處，或者社會規範」。子女覺得自己嘅想法，冇得到大人重視，雙方就形成咗溝通隔閡喇。
其實，大人的確有寶貴嘅人生經驗，但如果因為有太多經驗，而無法以同理心去回應下一代，咁就得不償失喇，「唔係小朋友講乜做乜，大人都要認同，但可以了解佢哋嘅內心世界，點解佢哋有呢個想法呢？溝通上就做得更好喇」。《明天我》將會於4、5月，喺本港不同地方免費放映，有興趣可以上mav.unicef.org.hk了解詳情同預留門票。
[Happy PaMa 教得樂 132期]
點解Mama突然有呢個念頭呢？事關喺兒童節前，聯合國兒童基金香港委員會（UNICEF HK）搞咗個首映禮，播放一套名叫《明天我》嘅紀錄片，由知名導演黃修平執導，拍攝三個青少年嘅真實生活。主角都各有故事㗎：有個女仔叫英毅，想以拍片為人生方向，但得唔到媽媽支持；另一個女仔子元就為咗興趣，由傳統學校轉讀藝術學院；最後係銘俊，平時最鍾意挑戰校規，又批評老師畀嘅功課無助思考。
初初聽到佢哋嘅諗法，Mama都覺得唔易理解，畢竟喺大人眼中，讀書、做功課、考試、升學，全部都正常不過。好在片中嘅幾個青少年，之前都參加咗UNICEF HK嘅短片製作比賽，以「給爸媽的話」為題拍攝一分鐘短片，於是Mama即刻上網搵返佢哋嘅大作嚟睇，嘗試了解佢哋想法。
其中以銘俊嘅作品最令Mama印象深刻，原來呢個喺學校鍾意挑戰權威嘅學生，對大人嘅要求唔算高，只係想任職保險經紀、工作繁忙嘅媽媽，花多啲時間陪自己。喺短片裏面，銘俊向媽媽推銷「美麗人生基金」：只要肯付出時間陪伴子女，就會得到家庭和諧、共享天倫等「預期回報」，「家庭幸福指數」亦會慢慢上升。
下月起全港免費放映
睇完之後，Mama搵咗UNICEF HK倡議經理馮素霞（Sofia）傾下感想。Sofia話，其實孩子嘅心願往往好簡單，「可能想得到爸媽支持去追尋夢想，或者花多啲時間陪佢哋。但佢哋提出之後，爸媽可能好快諗到難處，或者社會規範」。子女覺得自己嘅想法，冇得到大人重視，雙方就形成咗溝通隔閡喇。
其實，大人的確有寶貴嘅人生經驗，但如果因為有太多經驗，而無法以同理心去回應下一代，咁就得不償失喇，「唔係小朋友講乜做乜，大人都要認同，但可以了解佢哋嘅內心世界，點解佢哋有呢個想法呢？溝通上就做得更好喇」。《明天我》將會於4、5月，喺本港不同地方免費放映，有興趣可以上mav.unicef.org.hk了解詳情同預留門票。
[Happy PaMa 教得樂 132期]
回應 (0)
