公僕延遲退休申請 警隊最多

【明報專訊】政府喺2016年2月開始實施延長公務員服務年期嘅修訂安排，公務員到咗退休年齡， 可以申請最後延長服務期，上限係120日。根據公務員事務局回覆立法會議員就預算案提出嘅問題，香港警務處嘅申請數目係各決策局同部門中最多，有540份申請，已處理同獲批嘅就有286份。


上限120日 批准率71%

政府又指出，各部門共接獲3271份最後延長服務期嘅申請，其中2693份申請已經完成審批 （82%）。至於已經處理嘅2693份申請當中，有1921份獲得批准 （批准率71%）。


預留3.2億搞立會補選

另外，政制及內地事務局回覆議員提問時透露，已經預留約3.2億元用嚟籌備及搞立法會補選。局方話，假如需要補選，選舉事務處會視乎日期同規模等安排人手，同埋預早準備，確保補選公開、公平同誠實咁順利舉行。