Airbnb誤寫港客資料傳中國伺服器

【明報專訊】唔少港人近年鍾意上短租平台Airbnb租民宿外遊，隨住Airbnb進駐中國大陸開分公司，噚日有眼利網民發現，Airbnb網站修訂咗私隱條款，指自今年12月7日起，中國用戶嘅資料就會傳送同儲存喺中國伺服器，即係包括姓名、電話號碼、租房地址、瀏覽紀錄等。中文條款仲講明適用於中國「包括香港、澳門同台灣」。


Emily本住求真精神，即刻翻查埋網站英文條款，點知佢就話exclude（不包括）呢3個地方。事件被傳媒廣泛報道後，Airbnb迅速修改中文條款字眼，更正為「中國 （出於條款的目的，不包括香港，澳門和台灣）」。Airbnb噚日下晝向Emily解釋，話係翻譯出錯，已經喺知道出錯後兩小時修正，並對受事件困擾嘅用戶致歉。