恒大或將有命名大樓

【明報專訊】近排長實（1113）賣甩中環中心傳到㷫烚烚，無他，皆因好多中資大集團都想喺香港擁有一幢用自己公司命名嘅總部，好似恒大集團（3333）用125億同華人置業買咗幢灣仔告士打道美國萬通大廈咁，可能好快就會喺香港擁有第一幢用自己名命名嘅總部大樓！

暫有兩座美國萬通大廈

小琴咁講，皆因最近留意到匯漢（0214）、泛海集團（0129）同泛海酒店（0292）本身嘅總部所在，即駱克道中央廣場匯漢大廈，突然由11月1日起改名為美國萬通大廈。與原本位於隔一條街即告士打道嘅美國萬通大廈，豈不是打對台撞晒名？正路無理由距離咁近會有兩幢美國萬通大廈啫，似乎原來嘅告士打道美國萬通大廈就快改名。改咩名好呢？會唔會改為恒大中心？唯有等新業主恒大公布。


[小琴密語]