立會「被圍」 新丁陳沛然搵唔到入口

【明報專訊】立法會宣誓風波搞到議事堂一片混亂，場外集會又人頭湧湧，一直保持中立兼講規矩嘅醫學界立法會新丁陳沛然（Pierre）就隔岸觀火，不時喺facebook update立法會內外嘅情况，唔知係咪人生路不熟，佢話10點嗰陣「整個建築物被圍堵，找不到入口」。


青年新政議員梁頌恆同游蕙禎噚日唔理主席照入議事廳，同時間有大批人喺立法會外參加反辱華集會。新丁Pierre喺facebook話，噚日8點幾送生日嘅三女上學，然後10點想返立法會，「但是整個建築物被圍堵，找不到入口」。


Emily估佢最終係入到立法會嘅，事關佢寫Post時，貼咗張高位相，顯示立法會外人山人海，之後又不時報道重點時刻，話11點「破例第一次有記者進入議事廳」，然後11點31分，就係主席宣布休會。睇嚟佢噚日可以提早返屋企，唔知有無同阿女慶祝生日呢？