新聞類別
財經
詳情#
【明報專訊】近期影視界紅人非有「中國梅鐸」之稱嘅華人文化產業基金董事長黎瑞剛莫屬！明明佢無耐之前先被委任為TVB（0511）副主席，點知家就坐正埋做早排買殼得來嘅邵氏兄弟（0953，前稱美克國際）嘅主席兼非執董，仲搵埋電影發行商安樂影片前高層兼內地編劇嘅姜偉幫手。電視係佢，電影又係佢，睇嚟黎瑞剛好似想重拾過去香港影視王國嘅光輝歲月咁喎！
睇番過去一年，黎瑞剛真係馬不停蹄，唔單止舊年拍住華納兄弟同TVB成立旗艦影業拍電影，今年初佢旗下嘅華人文化產業基金入股美克國際成為單一大股東後，仲將公司名改咗做邵氏兄弟。家仲做埋TVB同邵氏兄弟嘅高層，喺本港影視圈嘅影響力都漸漸拍得上以前嘅「六叔」邵逸夫。唔講唔知，其實邵逸夫創立嘅邵氏兄弟（香港）都上過市，不過後尾私有化咗；黎瑞剛又買殼用呢個名上市，唔通想做埋邵逸夫第二？
[小琴密語]
睇番過去一年，黎瑞剛真係馬不停蹄，唔單止舊年拍住華納兄弟同TVB成立旗艦影業拍電影，今年初佢旗下嘅華人文化產業基金入股美克國際成為單一大股東後，仲將公司名改咗做邵氏兄弟。家仲做埋TVB同邵氏兄弟嘅高層，喺本港影視圈嘅影響力都漸漸拍得上以前嘅「六叔」邵逸夫。唔講唔知，其實邵逸夫創立嘅邵氏兄弟（香港）都上過市，不過後尾私有化咗；黎瑞剛又買殼用呢個名上市，唔通想做埋邵逸夫第二？
[小琴密語]
回應 (0)
