張建宗曬刀功 賀「分餉站」開幕

【明報專訊】由前財政司長梁錦松（左一）任主席嘅惜食堂，得到唔少人支持，噚日正式為位於荔枝角工廈單位嘅「惜食分餉站」舉行開幕禮。阿松搵到中銀香港捐助，支持惜食堂設分餉站，3年共捐款465萬元。呢個中央食物處理中心會製作膳食，料3年惠及132萬人次。


勞工及福利局長張建宗（左二）噚日去做主禮嘉賓，廚藝了得嘅佢仲展示一下刀藝。惜食分餉站主要有5個功能，包括﹕集中處理每日從過百間飲食機構回收得來嘅食材；處理及包裝；系統化食物倉庫；清洗每天所需嘅環保飯盒及煮食容器，以及為弱勢社群提供就業機會及在職訓練。