星洲地鐵購理大測軌技術

【明報專訊】香港科研都有一定成績，連新加坡地鐵都採購使用。理工大學發明咗路軌監測系統，喺路軌安裝光纖感應器，當列車駛過路軌時，就能夠感應到路軌有無破損，咁就有助及早察覺路軌有無問題，要唔要維修喇。


光纖感應器 及早發現路軌毛病

理大呢項以光纖傳感器以持續監測路軌嘅技術係全球首例，其實技術同家最大嘅分別係，家好似港鐵咁，都係主要喺列車收車時派人去路軌檢測路軌狀况，睇吓有無破損。理大嘅技術，就係喺路軌上鋪設光纖傳感網絡，並喺列車車廂安裝感應器，當列車駛過路軌時，車上感應器能接收路軌上信息，如果路軌有毛病，就能夠及早有信號告知，唔使靠收車先去檢查。


呢項技術2014年時喺德國贏得Berthold Leibinger創新獎第三名，而理大同新加坡地鐵（SMRT）東西線及南北線嘅路軌及列車，就會合共安裝6組傳感器。


理大話，同SMRT喺今年2月簽署協議，6月完成試運，兩條地鐵線現正安裝永久監察系統，工程將於2017年完成。SMRT有需要時，可以將監測期間所收集嘅數據實時傳送到理大。