海洋公園影片悼佳佳

【明報專訊】大熊貓佳佳前日喺海洋公園接受「安樂死」去世，終年38歲，園方會喺四川奇珍館設立紀念閣，放置悼念冊畀市民去懷念佳佳。園方特別為佳佳做咗一段紀念短片，仲搵咗多年來一直照顧佳佳嘅員工分享點滴，有員工提起佳佳嘅往事時都眼濕濕。


周四設紀念閣 放悼念冊

陸生動物部高級監督胡綺琪話，當佳佳第一次肯走過去畀佢搲痕時，覺得特別開心，因為唔係個個護理員都可以幫佳佳搲痕，只有得到佳佳信任嘅人先可以。前陸生動物部助理館長高詠思就話，其實想知佳佳對你嘅信任有無增加，最簡單就係當你呼喚佳佳時，佢會好快行過嚟；而如果佳佳見到有熟悉嘅人喺身邊，就會毫不猶豫伸手畀獸醫抽血。


園方發言人同Emily講，星期四就會喺四川奇珍館設立一個紀念閣，並會有悼念冊畀市民懷念佳佳。