議員再宣誓前夕 譚志源取消訪京

【明報專訊】立法會一開局就立立亂，議員宣誓未搞掂，仲有人要求撤銷未完成宣誓人士嘅議員資格。際此時刻，政制及內地事務局長譚志源噚日都公布，佢原定今日至20日到北京參與香港特區政府與外交部嘅年度互訪行程，都因為公務日程變動而去唔到。至於局長係咪因為周三嘅立法會大會而要留守，咁就不得而知。


其實呢個內訪團係每年一度嘅互訪活動，今次係由政制及內地事務局常任秘書長張琼瑤率團，於10月15日至20日訪問北京及新疆，行程包括了解新疆配合「一帶一路」總體規劃及最新發展，以及見吓外交部、國家發展和改革委員會等部委官員，譚志源原本諗住中途加入，但家直情唔使北上。