灣仔築地試業 企住食照爆滿

【明報專訊】日本築地市場批發商山貴水產進軍灣仔碼頭，噚日首日試業，午膳時間吸引唔少市民去捧場。其中一間餐廳未全面供應餐牌上嘅食物，餐廳內無乜座椅，大部分人都要企喺度食嘢，但客人都多到要排隊等入場。呢個築地市場位於碼頭2樓，佔地11,000呎，有海鮮、魚生、壽司飯、乾貨、日本水果同零食等，客人仲可以透過落地玻璃睇維港景色。